கேரள…
கேரள மாநிலம் திருவனந்தபுரம் அருகே உள்ள பூவாச்சல் குரக்கோணம் பகுதியில் பெந்தகோஸ்தே தேவாலயம் செயல்பட்டு வருகிறது. 59 வயதான ரவீந்திரநாத் மத போதகராக பணியாற்றி வருகிறார்.
நேற்று முன்தினம் மருத்துவமனையில் இருந்து திரும்பி வரும் வழியில், 13 வயது சிறுவனை பார்த்தார். கையில் இருந்த டேப் மொபைலைக் கொடுத்து, அதில் ஏதாவது பிரச்சனைகள் இருக்கிறதா, சரி செய்ய முடியுமா என்று கேட்டார்.
அதை சிறுவன் கையில் எடுத்தபோது, உள்ளே இருந்த புகைப்படங்களை திறந்து பார்த்தபோது, அவை ஆபாச படங்கள் என கண்டு அதிர்ச்சியடைந்தார்.
சிறுவன் டேப்பைக் கொடுத்துவிட்டு உடனடியாக வெளியேற முயன்றபோது, ரவீந்திரநாத் அந்த வாலிபரை மீண்டும் அருகில் அழைத்து பணம் மற்றும் உணவு கொடுப்பதாகவும் என்னுடன் வா என்றும் கூறியுள்ளார். ஆனால் அந்த சிறுவன்அங்கிருந்து தப்பி சென்று வீட்டில் உள்ள உறவினர்களிடம் நடந்த சம்பவத்தை கூறியுள்ளார்.
அவர்கள் அளித்த புகாரின் பேரில், ரவீந்திரநாத்தை போக்சோ பிரிவின் கீழ் கைது செய்த போலீஸார், இன்று நீதிமன்றத்தில் ஆஜர்படுத்தி சிறையில் அடைத்தனர். இந்த சம்பவம் அங்கு பெரும் பரபரப்பை ஏற்படுத்தியுள்ளது.
இதனிடையே, கடந்த 2021-ம் ஆண்டு முதல் 2022-ம் ஆண்டு வரை தனது வீட்டுக்கு படிப்புக்காக வந்த 12 வயது சிறுவனை பாலியல் வன்கொடுமை செய்த பாபு (59) என்பவருக்கு 97 ஆண்டுகள் சிறை தண்டனையும், 5.5 லட்சம் ரூபாய் அபராதமும் விதித்து திருச்சூர் நீதிமன்றம் தீர்ப்பளித்தது குறிப்பிடத்தக்கது.
