பொறியியல் மாணவி ஒருவர், அவரது காதலன் உட்பட மூன்று பேரால் பாலியல் வன்கொடுமைக்கு ஆளான சம்பவம் பெரும் அதிர்ச்சியை ஏற்படுத்தியுள்ளது.ஆந்திரப் பிரதேசத்தின் என்டிஆர் மாவட்டம், பரிதலா கிராமத்தில் அம்ரித் சாய் என்ற பொறியியல் கல்லூரி செயல்பட்டு வருகிறது.
இந்தக் கல்லூரியில் இரண்டாம் ஆண்டு படிக்கும் ஒரு மாணவரும், ஹுசைன் என்ற இளைஞனும் காதலித்து வந்ததாகக் கூறப்படுகிறது. இந்த நிலையில், சம்பவத்தன்று ஹுசைன் மாணவியை தனது அறைக்கு அழைத்துச் சென்று பாலியல் வன்கொடுமை செய்துள்ளார்.
அதன் பிறகு, ஹுசைன் அங்கிருந்து சென்றுவிட்டார். அதன் பிறகு, ஹுசைன் நண்பரான ஷேக் காளி ஷாஹித் மாணவியை பாலியல் வன்கொடுமை செய்தார்.
மனமுடைந்த பாதிக்கப்பட்ட பெண், தான் அனுபவித்த கொடுமைகள் குறித்து காவல் நிலையத்தில் புகார் அளித்தார். புகாரில், ஹுசைன் மற்றும் ஷேக் காளி இந்த சம்பவத்தை செய்ய சிந்தல் பிரபு தாஸ் உதவியதாக குறிப்பிடப்பட்டுள்ளது.
புகாரைத் தொடர்ந்து, போலீசார் வழக்குப் பதிவு செய்து 3 பேரை கைது செய்தனர். மேலும், குற்றம் சாட்டப்பட்டவர்கள் மீது தீவிர விசாரணை நடந்து வருகிறது.
