பெங்களுருவில்..
பெங்களூருவில் உள்ள கொடிகேஹள்ளி காவல் நிலைய எல்லையில் கல்லூரி மாணவியை கூட்டு பாலியல் பலாத்காரம் செய்த குற்றச்சாட்டின் பேரில் நடன ஆசிரியர் உட்பட 3 பேர் கைது செய்யப்பட்டதாக போலீஸார் செவ்வாய்க்கிழமை தெரிவித்தனர்.
கைது செய்யப்பட்டவர்கள் தனியார் பள்ளியில் நடன ஆசிரியர்களான ஆண்டி ஜார்ஜ், சந்தோஷ் மற்றும் சஷி என்பது தெரியவந்தது. காவல்துறையின் கூற்றுப்படி, ஆண்டி ஜார்ஜ் சமூக ஊடகங்கள் மூலம் பாதிக்கப்பட்ட கல்லூரி மாணவியுடன் நட்பு கொண்டார்.
அவர் அப்பெண்ணின் அந்தரங்கம் தொடர்பான படங்களை பதிவு செய்து அவளை மிரட்டத் தொடங்கினார். குற்றம் சாட்டப்பட்டவர் மீது சந்தேகம் மற்றும் பயம் அதிகரித்து, அந்த பெண் அவரிடமிருந்து விலகிவிட்டார்.
பின்னர், அவர்களது அந்தரங்கப் படங்களைப் பகிர்ந்து கொள்வதாக மிரட்டி, பாதிக்கப்பட்ட பெண்ணை மீண்டும் பலாத்காரம் செய்துள்ளார். மேலும் இந்த காட்சிகளைப் பயன்படுத்தி அவர் தொடர்ந்து பிளாக்மெயில் செய்து பலமுறை பாலியல் பலாத்காரம் செய்தார்.
குற்றம் சாட்டப்பட்டவர் தனது நண்பர்களை தனது வீட்டிற்கு வரவழைத்து அனைவரும் தன்னை பாலியல் பலாத்காரம் செய்ததாக பாதிக்கப்பட்ட பெண் போலீசாரிடம் கூறினார்.
குற்றம் சாட்டப்பட்டவர் தனது புகைப்படங்கள் மற்றும் வீடியோக்களை சமூக ஊடகங்களில் வெளியிட்டார். பாதிக்கப்பட்ட பெண் எப்படியோ தைரியத்தை வரவழைத்து போலீசில் புகார் அளித்தார். உடனடியாக போலீசார் நடவடிக்கை எடுத்து குற்றவாளிகளை கைது செய்தனர்.
மொபைல் போன் மற்றும் பென் டிரைவ் ஆகியவற்றை போலீசார் பறிமுதல் செய்தனர். குற்றம் சாட்டப்பட்ட நபர்களுக்கு, குறிப்பாக முதன்மை குற்றவாளி ஆண்டிக்கு இதுபோன்ற பல வழக்குகளில் தொடர்பு இருப்பதாக போலீசார் சந்தேகித்து விசாரணையை தொடங்கினர்.
