இன்றைய ராசிபலன்….
மேஷம்:
மேஷ ராசிக்காரர்களுக்கு இன்று நன்மைகள் நடக்கக்கூடிய நாளாக தான் அமையும். புதிய முயற்சிகளை மேற்கொள்ளலாம். நீங்கள் எடுக்கக்கூடிய முடிவில் உறுதியாக இருக்க வேண்டும். மனதில் குழப்பம் கொஞ்சம் தடுமாற்றம் இருக்கிறது. இதை செய்தால் சரி வருமா, என்ற சந்தேகம் இருந்தாலும் அதை நீங்கள் நிராகரித்து விடுங்கள். முழு நம்பிக்கை இருந்தால் மட்டுமே முழு வெற்றியும் கிடைக்கும்.
ரிஷபம்:
ரிஷப ராசிக்காரர்களுக்கு இன்று மன தைரியம் இருக்கும். எந்த ஒரு வேலையையும் துணிச்சலோடு செய்து முடிப்பீர்கள். கமிஷன் பிசினஸ் செய்பவர்களுக்கு எதிர்பாராத அதிர்ஷ்டம் அடிக்க வாய்ப்புகள் உள்ளது. தாய் மாமன் உறவால் நல்லது நடக்கும். குடும்பத்தில் சந்தோஷம் அதிகரிக்கும்.
மிதுனம்:
மிதுன ராசிக்காரர்களுக்கு இன்று கொஞ்சம் பாதகமான சூழ்நிலை இருக்கும். மனதளவில் பயம் இருக்கும். புதிய முயற்சிகளை மேற்கொள்ள வேண்டாம். மேலதிகாரிகளுடன் பேசும்போது பயத்தை வெளி காட்ட வேண்டாம். ஒரு கான்ஃபிடன்டோடு பேசும்போது தான் உங்களுக்கான மரியாதை கிடைக்கும். மன பயத்தையோ கோழைத்தனத்தையோ வெளியே காட்டாதீங்க.
கடகம்:
கடக ராசிக்காரர்களுக்கு இன்று கொஞ்சம் கூடுதல் பொறுப்பு தேவை. எல்லா விஷயத்திலும் கவனமாக இருக்க வேண்டும். விலை உயர்ந்த பொருட்களை அனாவசியமாக கையாள வேண்டாம். ஏதாவது ஒரு பொருளை இழப்பதற்கு வாய்ப்புகள் உள்ளது. ஜாக்கிரதை.
சிம்மம்:
சிம்ம ராசிக்காரர்களுக்கு இன்று கொஞ்சம் அசதி நிறைந்த நாளாக இருக்கும். கூடுமானவரை ஓய்வு எடுக்க பாருங்கள். மற்றபடி செய்யும் வேலை, செய்யும் தொழில் எல்லாவற்றிலும் நன்மையே நடக்கும். கணவன் மனைவி ஒற்றுமை அதிகரிக்கும். குடும்பத்தில் சந்தோஷம் பெருகும்.
கன்னி:
கன்னி ராசிக்காரர்களுக்கு இன்று வரவு நிறைந்த நாளாக இருக்கப் போகின்றது. செலவுகளை சமாளிக்க முடியாமல் கஷ்டப்படும் உங்களுக்கு, எந்த ரூபத்திலாவது மகாலட்சுமி வரவை கொடுக்கப் போகின்றாள். கடன் பிரச்சனை படிப்படியாக குறையும். சொந்த தொழிலில் படிப்படியாக முன்னேற்றமும் ஏற்படும்.
துலாம்:
துலாம் ராசிக்காரர்களுக்கு இன்று கொஞ்சம் பொறுமை தேவை. அவசரப்பட்டு வரக்கூடிய வாய்ப்புகளை தட்டி கழித்து விடக்கூடாது. நீங்கள் வேண்டாம் என்று சொல்லக்கூடிய அந்த ஒரு விஷயம் உங்களுக்கு பல நன்மையை கொடுக்கும். ஆகவே, பொறுமையாக எல்லா விஷயத்தையும் கையாளுங்கள். யாரையும் உதாசீனப்படுத்தாதீங்க. சின்ன துரும்பாக இருந்தாலும் அதை அலட்சியப்படுத்தக் கூடாது.
விருச்சிகம்:
விருச்சிக ராசிக்காரர்கள் என்று மனநிம்மதியோடு வேலைகளை செய்யப் போகிறீர்கள். எந்த ஆர்ப்பாட்டமும் உங்களிடத்தில் இருக்காது. ஆனால் காரியத்தில் கண்ணாக நடந்து கொள்வீர்கள். வேலை செய்யும் இடத்தில் பாராட்டும் புகழும் கிடைக்கும். சில பேருக்கு பதவி உயர்வு கிடைக்க வாய்ப்புகள் உள்ளது. உங்களுடைய விடா முயற்சி வெற்றியை கொடுக்கும்.
தனுசு:
தனுசு ராசிக்காரர்களுக்கு இன்று விரும்பியதை அடையக்கூடிய நாளாக இருக்கும். நீங்கள் ஆசைப்பட்டதை சுலபமாக அடைந்து விடுவீர்கள். அதற்காக எல்லா விஷயத்திற்கும் அடம் பிடிக்கக் கூடாது. கொஞ்சம் விட்டுக்கொடுத்து நடப்பதும் நல்லது. குறிப்பாக கணவன் மனைவிக்குள் சண்டை வருவதற்கு வாய்ப்புகள் உள்ளது. கொஞ்சம் ஜாக்கிரதையாக இருந்து கொள்ளுங்கள்.
மகரம்:
மகர ராசிக்காரர்களுக்கு இன்று கொஞ்சம் சிக்கல்கள் இருக்கும். சின்ன சின்ன முயற்சிகளில் தடை ஏற்படும். மேல் அதிகாரிகளை எதிர்த்துப் பேச வேண்டாம். புதிய வேலைக்கு முயற்சி செய்ய வேண்டாம். இருக்கும் வேலையை தக்க வைத்துக் கொள்ளுங்கள். சிக்கல்களை சரி செய்ய அவசரப்பட்டு முடிவு எடுக்க வேண்டாம். பொறுமை அவசியம் தேவை.
கும்பம்:
கும்ப ராசிக்காரர்களுக்கு இன்று எல்லாம் நல்லதாக நடக்கும். நீங்க கொஞ்சம் விழிப்புணர்வோடு இருந்தால். சொந்த தொழிலில் புதிய முதலீட்டை செய்ய வேண்டாம். பணம் சம்பந்தப்பட்ட விஷயத்தில் மட்டும் கூடுதல் கவனம் எடுத்துக் கொள்ளுங்கள். வேலை செய்யும் இடத்தில் உடன் வேலை செய்பவர்களை முழுமையாக நம்பாதீங்க. உஷாரா இருந்துக்கோங்க. நண்பர்கள் கூட உங்களை மேலதிகாரிகளிடம் போட்டுக் கொடுப்பதற்கு வாய்ப்பு உள்ளது.
மீனம்:
மீன ராசிக்காரர்களுக்கு இன்று சுப நிகழ்ச்சிகளில் கலந்து கொள்ளக்கூடிய வாய்ப்புகள் இருக்கும். பெரியோர்களின் ஆசிர்வாதம் கிடைக்கும். உடன்பிறந்தவர்களுடன் நேரத்தை செலவழிப்பீர்கள். வேலை செய்யும் இடத்தில் இருந்து சின்ன சின்ன சிக்கல்கள் வருவதற்கு வாய்ப்பு உள்ளது. அதில் மட்டும் கொஞ்சம் உஷாராக இருக்கணும் அவ்வளவுதான்.
